Helse- og sosialfag – meistring og myndiggjering - Master
|
Sammendrag
|
|
|||||||||||||||
Helse- og sosialfag – meistring og myndiggjering - Master
Helse- og sosialfag – meistring og myndiggjering - Master
Har du yrkesutdanning som helse- og sosialarbeidar og ønskjer å styrkje kompetansen i relasjonsarbeid retta mot einskildpersonar, familiar og grupper, er dette studiet det rette for deg. I studieprogrammet vert det fokusert på meistring og myndiggjering av menneske i alle delar av livsløpet når det gjeld å handtere utfordringar i ulike situasjonar.
Masterstudiet gir deg eit godt grunnlag for klinisk arbeid, undervisning og førebyggjande arbeid. Særleg vil helseføretaka si satsing på læring og meistring gi utfordrande arbeidsoppgåver. Fullført mastergradsstudium gir deg grunnlag for å arbeide med forsking og utgreiingsarbeid (FOU), og kan også kvalifisere for opptak til doktorgradsstudium.
Utdanningens mål
Utdanninga skal mellom anna gi deg kompetanse i og kunnskap om korleis du som sosial- og helsearbeidarar kan medverke til at pasientar/klientar meistrar oppgåver og ansvar i ulike tilstandar og ulike livsfasar. Gjennom studiet utviklar du kompetanse i kommunikasjon og informasjonsarbeid som kan leggje grunnlaget for læring, meistring og myndiggjering (empowerment). Studiet vil også gi deg grunnlag for å leie og utvikle helse- og sosialtenester med slik profil.
Opptakskrav/Søknad
Det generelle kravet for å bli teken opp er minimum treårig grunnutdanning i helsefagleg, pedagogisk eller sosialfagleg utdanning.
• Bachelorgrad i helse- eller sosialfag
• Grunnskulelærar med relevante fagval
• Cand. mag. med mellomfag i helse- eller sosialfag
• Anna relevant grad eller utdanningsløp av minimum 3 års omfang etter vurdering
For dei to siste punkta er det krav om fordjuping i fag, emne eller emnegruppe av minimum 80 studiepoengs omfang innanfor helse- eller sosialfag.
Studiepoeng (ECTS)
120
Utdanningens struktur
Studiet er på 120 studiepoeng, der minimum 75 er obligatoriske og inntil 45 valfrie. Du kan velje blant godkjende emne ved Høgskulen i Volda og andre høgskular. Studiet kan gjennomførast på heiltid over to år, eller på deltid, helst over fire år. Høgskulen i Volda er ansvarleg for studiet, men samarbeider med Høgskolen i Ålesund om dei valfrie emna.
Obligatoriske emne:
· Meistring og myndiggjering – samhandlingsperspektivet (15 stp.). Haust 2011
· Meistring og myndiggjering – strukturperspektivet (15 stp.). Vår 2012
· Forskingsmetode og vitskapsteori (15 stp.). Går over to semester: haust 2011 og vår 2012
· Masteroppgåve (30 eller 45 stp.). Går over to semester: haust 2011 og vår 2012
Valfrie emne ved Høgskulen i Volda:
· Rus som kulturelt og sosialt fenomen (15 stp.). Haust 2011
· Tiltak mot rusproblem (15 stp.). Vår 2012
· Leiing i helse- og sosialtenesta (30 stp.). Haust 2011 og vår 2012
· Leiing og personalutvikling (15 stp.). Haust 2011
· Livsløp, velferd og planlegging
Studiefakta, Tittel m.m
Master og høyere
Høgskulen i Volda
Til Volda - og vidare
Korleis ser du føre deg ein perfekt start på studielivet? Og kva med vegen vidare?
I vakre Volda veks det i mai og juni fram nye kull med ferdigutdanna studentar, klare for eit nytt kapittel i livet. Erfaringane frå den intime og vakre studiestaden med rundt 8000 innbyggjarar følgjer med resten av livet, både fagleg og sosialt. I Volda går kultur og natur hand i hand. Frå det populære studenthuset, kafeen og konsertscena Rokken, er vegen kort til toppen av Rosethornet, eit kjent og kjært landemerke. Tek du turen opp, vil du også få oversyn over heile Volda og den vakre naturen som omgir studentbygda. Velkomen til Volda!
Kvifor velje Volda
Eit studieopphald i Volda gir deg tverrfagleg og attraktiv fagleg kompetanse, skreddarsydd for eit breitt yrkesliv. Først sørgjer den tradisjonsrike Fadderveka og andre festivalar for at du som ny student landar trygt og får grunnlag for god fagleg utvikling i eit godt læringsmiljø. Men reisa er på langt nær over med det. For nyutdanna studentar frå Høgskulen i Volda går reisa gjerne vidare – inn i eit utfordrande arbeidsliv – og kanskje ut i verda?
Tek du høgare utdanning i Volda, er alt opp til deg sjølv. Høgskulen er kjende for yrkesutdanningar med god fagleg kvalitet, og studerer du til dømes mediefag, lærarutdanning eller sosialt arbeid i Volda, får du svært ettertrakta fagleg og sosial kompetanse på arbeidsmarknaden. Tek du eit halvår av utdanninga ved ein av dei mange samarbeidsinstitusjonar i heile verda, utvidar du i tillegg horisonten og skaffar deg ekstra tyngd og erfaring. Studietilbudet gjenspeiler kompetansebehovet både i offentlig og privat sektor, med mulighet for utdanning både på bachelor- og mastergradsnivå. Høgskulen har i tillegg mange kreative og spennende fagstudium innanfor mediedesign, drama, friluftsliv, idrett, historie, realfag, kunst, musikk, språk med meir.
Ut i verda?
Høgskulen i Volda er i tet mellom høgskulene i Noreg når det gjeld inn- og utveksling av studentar. I alle bachelor- og masterprogram legg høgskulen til rette slik at studentar kan ta minimum eit semester i utlandet, som ein integrert del av graden ved høgskulen. Ein kan i praksis reise kvar som helst i verda, men det kan vere ein fordel å reise til ein samarbeidspartnar. Per i dag har Høgskulen i Volda rundt 140 partnarar i meir enn 40 land. Høgskulen i Volda er også offensiv når det gjeld å ta imot studentar frå utlandet, og har aldri før hatt så mange som i år. Dette er med på å gjere Volda til eit internasjonalt knytepunkt. Tek du ein tur rundt på campus, kan du ikkje la vere å leggje merke til "Pangaia", den internasjonale møteplassen.
Gi litt av deg sjølv - få masse tilbake!
Volda-studentane er kjende for å skape ein avslappa, engasjert og kreativ atmosfære. Dei bryr seg om livet rundt seg, og dette er noko av grunnen til at mange opplever studiemiljøet i Volda som både totalt hæla-i-taket og seriøst på same tid. Gir du litt av deg sjølv i Volda, får du garantert masse tilbake! Har du delteke på studentVEKA, Animasjonsfestivalen, Dokumentarfilmfestivalen eller vintersportfestivalen X2? Då har du garantert skulderveska full av nye vener og viktige kontaktar for framtida. Dei varierte sosiale erfaringane, saman med ein solid og yrkesretta fagleg ballast, gjer deg til ein ettertrakta arbeidstakar når du etter kvart reiser vidare i livet.
Vis alle utdanninger fra
Høgskulen i Volda
Beskrivelse og bosted
Jeg vil vite mer!
Kontaktinformasjon til Høgskulen i Volda
Tlf: 70 07 50 00 
Fyll inn følgende felt for å få mer informasjon fra Helse- og sosialfag – meistring og myndiggjering - Master:
Les mer