Musikk - Bachelor
|
Sammendrag
|
|
|||||||||||||||||
Musikk - Bachelor
Musikk - Bachelor
Har du lyst til å lære meir om musikk, spele og komponere saman med andre? Som bachelorstudent i musikk får du ei solid og allsidig musikkutdanning som kombinerer praktisk musikkutøving, teori og fagdidaktikk. Studiet passar for deg som vil utvikle deg som utøvar og kan tenke deg å undervise i grunnskulen, kulturskulen og elles i kultursektoren. Volda har eige høgskulekor og symfoniorkester, musikkstudio på profesjonelt nivå og gode øvingslokalitetar.
Studiet kvalifiserer for arbeid med musikk både i offentlege og frivillige verksemder, til dømes i kulturskulen og kulturlivet elles. Du får ei brei yrkesretta utdanning for undervisningsrelaterte og musikkpedagogiske oppgåver. Bachelorgraden kan påbyggast med praktisk-pedagogisk utdanning (PPU), som gir formell undervisningskompetanse i grunn- og vidaregåande skule.
Utdanningens mål
Som bachelorstudent i musikk skal du utvikle fagleg, kunstnarleg, didaktisk og sosial kompetanse i tillegg til evne til endring og yrkesetisk refleksjon. Du skal vidareutvikle deg som utøvar, både individuelt og i samspel med andre, og tileigne deg kunnskapar og ferdigheiter innan musikkpedagogikk, instrumentaldidaktikk, musikkutøving og -formidling, musikkteori, høyrelære, komponering og arrangering, musikkhistorie og musikkteknologi.
Opptakskrav/Søknad
Generell studiekompetanse
Studiepoeng (ECTS)
180
Utdanningens struktur
For å oppnå bachelorgraden må studenten ha til saman 180 studiepoeng. Musikk må utgjere minst 90 studiepoeng, og dei resterande er valfrie, anten til val av fleire musikkemne eller til val av andre fag.
Obligatoriske emne:
· Inn i musikken 1, 15 stp.
· Musikk i barneskulen, 15 stp.
· Inn i musikken 2, 15 stp.
· Musikk i ungdomsskulen, 15 stp.
· Musikk bachelorgradsoppgåve, 15 stp.
Valfrie emne (fordjupingsnivå):
· Musikk i kulturskulen
· Musikkteknologi, utøving og formidling
· Intuitiv komposisjon/improvisasjon og musikkfilosofi
· Musikkhistorie
· Ensembleleiing og arrangering
Det er lagt opp til ei veke musikkdidaktisk praksis i grunnskulen i første studieåret. Studentane får mange høve til å opptre i varierte samanhengar, og høgskulen arrangerer både lukka og offentlege konsertar.
Studiefakta, Tittel m.m
Bachelor og lavere
Høgskulen i Volda
Til Volda - og vidare
Korleis ser du føre deg ein perfekt start på studielivet? Og kva med vegen vidare?
I vakre Volda veks det i mai og juni fram nye kull med ferdigutdanna studentar, klare for eit nytt kapittel i livet. Erfaringane frå den intime og vakre studiestaden med rundt 8000 innbyggjarar følgjer med resten av livet, både fagleg og sosialt. I Volda går kultur og natur hand i hand. Frå det populære studenthuset, kafeen og konsertscena Rokken, er vegen kort til toppen av Rosethornet, eit kjent og kjært landemerke. Tek du turen opp, vil du også få oversyn over heile Volda og den vakre naturen som omgir studentbygda. Velkomen til Volda!
Kvifor velje Volda
Eit studieopphald i Volda gir deg tverrfagleg og attraktiv fagleg kompetanse, skreddarsydd for eit breitt yrkesliv. Først sørgjer den tradisjonsrike Fadderveka og andre festivalar for at du som ny student landar trygt og får grunnlag for god fagleg utvikling i eit godt læringsmiljø. Men reisa er på langt nær over med det. For nyutdanna studentar frå Høgskulen i Volda går reisa gjerne vidare – inn i eit utfordrande arbeidsliv – og kanskje ut i verda?
Tek du høgare utdanning i Volda, er alt opp til deg sjølv. Høgskulen er kjende for yrkesutdanningar med god fagleg kvalitet, og studerer du til dømes mediefag, lærarutdanning eller sosialt arbeid i Volda, får du svært ettertrakta fagleg og sosial kompetanse på arbeidsmarknaden. Tek du eit halvår av utdanninga ved ein av dei mange samarbeidsinstitusjonar i heile verda, utvidar du i tillegg horisonten og skaffar deg ekstra tyngd og erfaring. Studietilbudet gjenspeiler kompetansebehovet både i offentlig og privat sektor, med mulighet for utdanning både på bachelor- og mastergradsnivå. Høgskulen har i tillegg mange kreative og spennende fagstudium innanfor mediedesign, drama, friluftsliv, idrett, historie, realfag, kunst, musikk, språk med meir.
Ut i verda?
Høgskulen i Volda er i tet mellom høgskulene i Noreg når det gjeld inn- og utveksling av studentar. I alle bachelor- og masterprogram legg høgskulen til rette slik at studentar kan ta minimum eit semester i utlandet, som ein integrert del av graden ved høgskulen. Ein kan i praksis reise kvar som helst i verda, men det kan vere ein fordel å reise til ein samarbeidspartnar. Per i dag har Høgskulen i Volda rundt 140 partnarar i meir enn 40 land. Høgskulen i Volda er også offensiv når det gjeld å ta imot studentar frå utlandet, og har aldri før hatt så mange som i år. Dette er med på å gjere Volda til eit internasjonalt knytepunkt. Tek du ein tur rundt på campus, kan du ikkje la vere å leggje merke til "Pangaia", den internasjonale møteplassen.
Gi litt av deg sjølv - få masse tilbake!
Volda-studentane er kjende for å skape ein avslappa, engasjert og kreativ atmosfære. Dei bryr seg om livet rundt seg, og dette er noko av grunnen til at mange opplever studiemiljøet i Volda som både totalt hæla-i-taket og seriøst på same tid. Gir du litt av deg sjølv i Volda, får du garantert masse tilbake! Har du delteke på studentVEKA, Animasjonsfestivalen, Dokumentarfilmfestivalen eller vintersportfestivalen X2? Då har du garantert skulderveska full av nye vener og viktige kontaktar for framtida. Dei varierte sosiale erfaringane, saman med ein solid og yrkesretta fagleg ballast, gjer deg til ein ettertrakta arbeidstakar når du etter kvart reiser vidare i livet.
Vis alle utdanninger fra
Høgskulen i Volda
Beskrivelse og bosted
Jeg vil vite mer!
Kontaktinformasjon til Høgskulen i Volda
Tlf: 70 07 50 00 
Fyll inn følgende felt for å få mer informasjon fra Musikk - Bachelor:
Les mer