Norsk (nordisk) - Årsstudium
|
Sammendrag
|
|
|||||||||||||||||
Norsk (nordisk) - Årsstudium
Norsk (nordisk) årsstudium, samlingsbasert - Årsstudium
Har du ei interesse for språk og litteratur? Har du planar om å undervise i norsk, eller kanskje du treng gode basiskunnskapar i språk og litteratur i andre yrkessamanhengar? Det samlingsbaserte årsstudiet i norsk ved Høgskulen i Volda gir deg både kunnskap og innsikt, samstundes som det er relevant for arbeid innan skule, kultur og andre samfunnsområde. Undervisninga er samlingsbasert, med tre samlingar i kvart emne.
Årsstudium i norsk er primært retta mot skuleverket, men det høver også godt i kombinasjon med anna utdanning og yrkeserfaring. Studiet kan også nyttast som grunnlag for vidare studium innanfor media/informasjon og journalistikk. Det gir grunnlag for opptak på fordjupingsstudiet i norsk og kan inngå som første året i bachelorgrad i språk og litteratur eller som valfri del i andre bachelorgradar.
Utdanningens mål
Studieprogrammet gir deg kunnskapar om norsk språk og litteratur i fortid og notid, og ei første innføring i vitskapleg metode. Det vil seie at vi arbeider med språk og litteratur i lys av historiske og sosiale forhold. Du skal tileigne deg grunnleggjande kunnskapar som er naudsynte anten du skal bli norsklærer eller bruke dei i andre yrkessamanhengar.
Opptakskrav/Søknad
Generell studiekompetanse.
Studiepoeng (ECTS)
60
Utdanningens struktur
Årsstudiet er sett saman av fire emne, to språklege og to litterære, alle på 15 studiepoeng:
Haustsemesteret
- NO111 Språk som struktur: innføring i språkanalys
- NO113 Tekst og stuktur: innføring i sjangerlære og tekstanalyse
Vårsemesteret
- NO112 Språk og samfunn: språket i fortid og notid
- NO114 Individ og kollektiv: subjekt og samfunn i tre periodar
Undervisninga er samlingsbasert, med tre samlingar i kvart emne. Samlingane går over fire dagar, med to dagar undervisning i kvart emne. Du må vere til stades på minst to av samlingane for å få godkjent eit emne. Du kan velje om du vil ta eitt eller to emne i kvart semester. Gjennom oppgåveskriving med individuell rettleiing får du skrivetrening og øving i analyse av språk og tekst.
Studiefakta, Tittel m.m
Årsstudium
Høgskulen i Volda
Til Volda - og vidare
Korleis ser du føre deg ein perfekt start på studielivet? Og kva med vegen vidare?
I vakre Volda veks det i mai og juni fram nye kull med ferdigutdanna studentar, klare for eit nytt kapittel i livet. Erfaringane frå den intime og vakre studiestaden med rundt 8000 innbyggjarar følgjer med resten av livet, både fagleg og sosialt. I Volda går kultur og natur hand i hand. Frå det populære studenthuset, kafeen og konsertscena Rokken, er vegen kort til toppen av Rosethornet, eit kjent og kjært landemerke. Tek du turen opp, vil du også få oversyn over heile Volda og den vakre naturen som omgir studentbygda. Velkomen til Volda!
Kvifor velje Volda
Eit studieopphald i Volda gir deg tverrfagleg og attraktiv fagleg kompetanse, skreddarsydd for eit breitt yrkesliv. Først sørgjer den tradisjonsrike Fadderveka og andre festivalar for at du som ny student landar trygt og får grunnlag for god fagleg utvikling i eit godt læringsmiljø. Men reisa er på langt nær over med det. For nyutdanna studentar frå Høgskulen i Volda går reisa gjerne vidare – inn i eit utfordrande arbeidsliv – og kanskje ut i verda?
Tek du høgare utdanning i Volda, er alt opp til deg sjølv. Høgskulen er kjende for yrkesutdanningar med god fagleg kvalitet, og studerer du til dømes mediefag, lærarutdanning eller sosialt arbeid i Volda, får du svært ettertrakta fagleg og sosial kompetanse på arbeidsmarknaden. Tek du eit halvår av utdanninga ved ein av dei mange samarbeidsinstitusjonar i heile verda, utvidar du i tillegg horisonten og skaffar deg ekstra tyngd og erfaring. Studietilbudet gjenspeiler kompetansebehovet både i offentlig og privat sektor, med mulighet for utdanning både på bachelor- og mastergradsnivå. Høgskulen har i tillegg mange kreative og spennende fagstudium innanfor mediedesign, drama, friluftsliv, idrett, historie, realfag, kunst, musikk, språk med meir.
Ut i verda?
Høgskulen i Volda er i tet mellom høgskulene i Noreg når det gjeld inn- og utveksling av studentar. I alle bachelor- og masterprogram legg høgskulen til rette slik at studentar kan ta minimum eit semester i utlandet, som ein integrert del av graden ved høgskulen. Ein kan i praksis reise kvar som helst i verda, men det kan vere ein fordel å reise til ein samarbeidspartnar. Per i dag har Høgskulen i Volda rundt 140 partnarar i meir enn 40 land. Høgskulen i Volda er også offensiv når det gjeld å ta imot studentar frå utlandet, og har aldri før hatt så mange som i år. Dette er med på å gjere Volda til eit internasjonalt knytepunkt. Tek du ein tur rundt på campus, kan du ikkje la vere å leggje merke til "Pangaia", den internasjonale møteplassen.
Gi litt av deg sjølv - få masse tilbake!
Volda-studentane er kjende for å skape ein avslappa, engasjert og kreativ atmosfære. Dei bryr seg om livet rundt seg, og dette er noko av grunnen til at mange opplever studiemiljøet i Volda som både totalt hæla-i-taket og seriøst på same tid. Gir du litt av deg sjølv i Volda, får du garantert masse tilbake! Har du delteke på studentVEKA, Animasjonsfestivalen, Dokumentarfilmfestivalen eller vintersportfestivalen X2? Då har du garantert skulderveska full av nye vener og viktige kontaktar for framtida. Dei varierte sosiale erfaringane, saman med ein solid og yrkesretta fagleg ballast, gjer deg til ein ettertrakta arbeidstakar når du etter kvart reiser vidare i livet.
Vis alle utdanninger fra
Høgskulen i Volda
Beskrivelse og bosted
Jeg vil vite mer!
Kontaktinformasjon til Høgskulen i Volda
Tlf: 70 07 50 00 
Fyll inn følgende felt for å få mer informasjon fra Norsk (nordisk) - Årsstudium:
Les mer