Planlegging og administrasjon - Bachelor
|
Sammendrag
|
|
|||||||||||||||||
Planlegging og administrasjon - Bachelor
Planlegging og administrasjon - Bachelor
Likar du å trekkje i viktige trådar og få ting til å skje? Ønskjer du å vere med på å planleggje framtidas samfunn? Bachelorgrad i planlegging og administrasjon er ei yrkesretta og tverrfagleg utdanning som gir deg attraktiv og etterspurd fagkompetanse som er tilpassa ulike stillingar innanfor administrasjon, planlegging eller forvaltning.
Med fullført bachelorgrad i planlegging og administrasjon har du eit godt grunnlag for ein yrkeskarriere innanfor ulike felt i offentleg forvaltning: som administrativ leiar, leiar av utviklingsarbeid, sakshandsamar eller planleggjar. Stadig fleire finn seg også arbeid i privat og frivillig sektor, medan andre nyttar utdanninga som grunnlag for arbeid innanfor media, rådgiving, næringsutvikling eller forsking. Studieprogrammet dannar grunnlag for opptak ved masterstudiet i samfunnsplanlegging og leiing ved Høgskulen i Volda og andre relevante masterstudium i Noreg og i utlandet.
Utdanningens mål
Studieprogrammet gir deg kunnskap om og forståing av økonomiske, sosiale og miljømessige utviklingstrekk og dei politiske utfordringane desse gir for å fremje ei heilskapleg og berekraftig utvikling. Du skal få innsikt i viktige trekk ved samfunnsvitskapleg tenkjemåte og tverrfagleg samfunnsforsking, og kunne arbeide sjølvstendig med nærare definerte problemstillingar. Du skal også lære å vurdere problemstillingar ut frå ulike perspektiv og på bakgrunn av dette drøfte ulike løysingsalternativ. Fullført studium vil gi deg eit fagleg godt og allsidig grunnlag for forståing av samfunnet og samfunnsutviklinga.
Opptakskrav/Søknad
Generell studiekompetanse
Studiepoeng (ECTS)
180
Utdanningens struktur
Gjennom ei brei samfunnsfagleg tilnærming vil studentane få god teoretisk og praktisk kunnskap om tverrfagleg samfunnsutvikling og problemløysing. Sentrale fagområde er sosiologi, geografi, økonomi, statsvitskap, jus, samfunnsplanlegging, utviklingsarbeid og leiing. Som eit tverrfagleg prosjektarbeid i slutten av andre semesteret skal det gjennomførast ein lokalsamfunnsanalyse. Dette inneber m.a. feltopphald i utvalde kommunar og lokalsamfunn med tilhøyrande datainnsamling og -analyse. Delar av det fjerde semesteret kan leggjast opp som eit praksisopphald der studentane er utplasserte inntil tre månader på ein relevant arbeidsplass. Kvar student får oppnemnd ein fagrettleiar frå instituttet og ein kontaktperson på praksisplassen som i fellesskap har ansvar for den faglege og praktiske oppfølginga.
Studiefakta, Tittel m.m
Bachelor og lavere
Høgskulen i Volda
Til Volda - og vidare
Korleis ser du føre deg ein perfekt start på studielivet? Og kva med vegen vidare?
I vakre Volda veks det i mai og juni fram nye kull med ferdigutdanna studentar, klare for eit nytt kapittel i livet. Erfaringane frå den intime og vakre studiestaden med rundt 8000 innbyggjarar følgjer med resten av livet, både fagleg og sosialt. I Volda går kultur og natur hand i hand. Frå det populære studenthuset, kafeen og konsertscena Rokken, er vegen kort til toppen av Rosethornet, eit kjent og kjært landemerke. Tek du turen opp, vil du også få oversyn over heile Volda og den vakre naturen som omgir studentbygda. Velkomen til Volda!
Kvifor velje Volda
Eit studieopphald i Volda gir deg tverrfagleg og attraktiv fagleg kompetanse, skreddarsydd for eit breitt yrkesliv. Først sørgjer den tradisjonsrike Fadderveka og andre festivalar for at du som ny student landar trygt og får grunnlag for god fagleg utvikling i eit godt læringsmiljø. Men reisa er på langt nær over med det. For nyutdanna studentar frå Høgskulen i Volda går reisa gjerne vidare – inn i eit utfordrande arbeidsliv – og kanskje ut i verda?
Tek du høgare utdanning i Volda, er alt opp til deg sjølv. Høgskulen er kjende for yrkesutdanningar med god fagleg kvalitet, og studerer du til dømes mediefag, lærarutdanning eller sosialt arbeid i Volda, får du svært ettertrakta fagleg og sosial kompetanse på arbeidsmarknaden. Tek du eit halvår av utdanninga ved ein av dei mange samarbeidsinstitusjonar i heile verda, utvidar du i tillegg horisonten og skaffar deg ekstra tyngd og erfaring. Studietilbudet gjenspeiler kompetansebehovet både i offentlig og privat sektor, med mulighet for utdanning både på bachelor- og mastergradsnivå. Høgskulen har i tillegg mange kreative og spennende fagstudium innanfor mediedesign, drama, friluftsliv, idrett, historie, realfag, kunst, musikk, språk med meir.
Ut i verda?
Høgskulen i Volda er i tet mellom høgskulene i Noreg når det gjeld inn- og utveksling av studentar. I alle bachelor- og masterprogram legg høgskulen til rette slik at studentar kan ta minimum eit semester i utlandet, som ein integrert del av graden ved høgskulen. Ein kan i praksis reise kvar som helst i verda, men det kan vere ein fordel å reise til ein samarbeidspartnar. Per i dag har Høgskulen i Volda rundt 140 partnarar i meir enn 40 land. Høgskulen i Volda er også offensiv når det gjeld å ta imot studentar frå utlandet, og har aldri før hatt så mange som i år. Dette er med på å gjere Volda til eit internasjonalt knytepunkt. Tek du ein tur rundt på campus, kan du ikkje la vere å leggje merke til "Pangaia", den internasjonale møteplassen.
Gi litt av deg sjølv - få masse tilbake!
Volda-studentane er kjende for å skape ein avslappa, engasjert og kreativ atmosfære. Dei bryr seg om livet rundt seg, og dette er noko av grunnen til at mange opplever studiemiljøet i Volda som både totalt hæla-i-taket og seriøst på same tid. Gir du litt av deg sjølv i Volda, får du garantert masse tilbake! Har du delteke på studentVEKA, Animasjonsfestivalen, Dokumentarfilmfestivalen eller vintersportfestivalen X2? Då har du garantert skulderveska full av nye vener og viktige kontaktar for framtida. Dei varierte sosiale erfaringane, saman med ein solid og yrkesretta fagleg ballast, gjer deg til ein ettertrakta arbeidstakar når du etter kvart reiser vidare i livet.
Vis alle utdanninger fra
Høgskulen i Volda
Beskrivelse og bosted
Jeg vil vite mer!
Kontaktinformasjon til Høgskulen i Volda
Tlf: 70 07 50 00 
Fyll inn følgende felt for å få mer informasjon fra Planlegging og administrasjon - Bachelor:
Les mer