Samfunnsplanlegging og leiing - Master
|
Sammendrag
|
|
|||||||||||||||||
Samfunnsplanlegging og leiing - Master
Samfunnsplanlegging og leiing - Master
Eit samfunn i kontinuerleg omstilling stiller store krav til leiarar, både i offentleg og privat sektor. Det er viktig å kunne etablere gode strategiar til fordel for eigen organisasjon. Med ein mastergrad i Samfunnsplanlegging og leiing får du ei solid og spesialisert utdanning som gjer deg til ein ettertrakta leiar.
Studiet kvalifiserer for planlegging og leiing på mange nivå i samfunnet og innanfor ulike fagområde, både i privat og offentleg sektor. Dei fleste som så langt har fullført mastergrad i Samfunnsplanlegging og leiing har fått nye utfordrande oppgåver og stillingar. Fullført mastergrad kvalifiserer også for opptak til doktorgradsprogram, som kan leggje grunnlaget for ei karriere som forskar.
Utdanningens mål
Masterstudiet gir deg viktig yrkesretta kompetanse i planlegging, utviklingsarbeid og leiing i samfunn og organisasjonar. Det inneber kompetanse til å utvikle og å leie plan- og utviklingsarbeid. Det vert lagt vekt på at plan- og utviklingsarbeid skjer i samhandling (partnarskap) mellom offentleg, privat og frivillig sektor i kommunikative og opne prosessar.
Opptakskrav/Søknad
Minst tre år høgare utdanning med minimum 80 studiepoeng i samfunnsfag/samfunnsplanlegging og leiing eller minst tre år anna høgare utdanning og minst to år relevant praksis frå samfunnsplanlegging og leiing.
Studiepoeng (ECTS)
120
Utdanningens struktur
Masterstudiet i samfunnsplanlegging og leiing er på 120 studiepoeng, der 75 poeng er obligatoriske og inntil 45 er valfrie. Undervisninga er ein kombinasjon av førelesingar, gruppearbeid, presentasjon og drøfting i plenum. Det er lagt vekt på praktiske øvingar med utgangspunkt i deltakarane sine eigne utfordringar. Undervisninga er organisert slik at studiet eignar seg både for heiltids- og deltidsstudentar. Emne på 15 studiepoeng går over eitt semester med tre vekesamlingar på fire-fem undervisningsdagar. Mellom samlingane er det sjølvstudium og høve til rettleiing gjennom telefon eller e-post.
Obligatoriske emne
Regional planlegging og utvikling (15 stp.). Haust 2011
Offentleg organisering og leiing (15 stp.). Vår 2012
Forskingsmetode og vitskapsteori (15 stp.). Går over to semester: haust 2011 og vår 2012
Mastergradsoppgåve (30 eller 45 stp.). Går over to semester: haust 2011 og vår 2012
Valfrie emne
Ved Høgskulen i Volda kan du velje frå ein meny av førehandsgodkjende, valfrie fagemne. Fem av emna er utvikla særskilt for mastergradsstudiet i samfunnsplanlegging og leiing, og vi rår deg til å velje minimum eitt av desse:
Leiing og personalutvikling (15 stp.). Haust 2011
Lokal klimaplanlegging (15 stp.). Haust 2011
Prosessleiing i samfunn og organisasjonar (15 stp.). Vår 2012
Livsløp, velferd og planlegging (15 stp.). Vår 2012
Skuleleiing (30 stp.). Haust 2011 og vår 2012. (Her gjeld krav om to års pedagogisk praksis.)
Studiefakta, Tittel m.m
Master og høyere
Høgskulen i Volda
Til Volda - og vidare
Korleis ser du føre deg ein perfekt start på studielivet? Og kva med vegen vidare?
I vakre Volda veks det i mai og juni fram nye kull med ferdigutdanna studentar, klare for eit nytt kapittel i livet. Erfaringane frå den intime og vakre studiestaden med rundt 8000 innbyggjarar følgjer med resten av livet, både fagleg og sosialt. I Volda går kultur og natur hand i hand. Frå det populære studenthuset, kafeen og konsertscena Rokken, er vegen kort til toppen av Rosethornet, eit kjent og kjært landemerke. Tek du turen opp, vil du også få oversyn over heile Volda og den vakre naturen som omgir studentbygda. Velkomen til Volda!
Kvifor velje Volda
Eit studieopphald i Volda gir deg tverrfagleg og attraktiv fagleg kompetanse, skreddarsydd for eit breitt yrkesliv. Først sørgjer den tradisjonsrike Fadderveka og andre festivalar for at du som ny student landar trygt og får grunnlag for god fagleg utvikling i eit godt læringsmiljø. Men reisa er på langt nær over med det. For nyutdanna studentar frå Høgskulen i Volda går reisa gjerne vidare – inn i eit utfordrande arbeidsliv – og kanskje ut i verda?
Tek du høgare utdanning i Volda, er alt opp til deg sjølv. Høgskulen er kjende for yrkesutdanningar med god fagleg kvalitet, og studerer du til dømes mediefag, lærarutdanning eller sosialt arbeid i Volda, får du svært ettertrakta fagleg og sosial kompetanse på arbeidsmarknaden. Tek du eit halvår av utdanninga ved ein av dei mange samarbeidsinstitusjonar i heile verda, utvidar du i tillegg horisonten og skaffar deg ekstra tyngd og erfaring. Studietilbudet gjenspeiler kompetansebehovet både i offentlig og privat sektor, med mulighet for utdanning både på bachelor- og mastergradsnivå. Høgskulen har i tillegg mange kreative og spennende fagstudium innanfor mediedesign, drama, friluftsliv, idrett, historie, realfag, kunst, musikk, språk med meir.
Ut i verda?
Høgskulen i Volda er i tet mellom høgskulene i Noreg når det gjeld inn- og utveksling av studentar. I alle bachelor- og masterprogram legg høgskulen til rette slik at studentar kan ta minimum eit semester i utlandet, som ein integrert del av graden ved høgskulen. Ein kan i praksis reise kvar som helst i verda, men det kan vere ein fordel å reise til ein samarbeidspartnar. Per i dag har Høgskulen i Volda rundt 140 partnarar i meir enn 40 land. Høgskulen i Volda er også offensiv når det gjeld å ta imot studentar frå utlandet, og har aldri før hatt så mange som i år. Dette er med på å gjere Volda til eit internasjonalt knytepunkt. Tek du ein tur rundt på campus, kan du ikkje la vere å leggje merke til "Pangaia", den internasjonale møteplassen.
Gi litt av deg sjølv - få masse tilbake!
Volda-studentane er kjende for å skape ein avslappa, engasjert og kreativ atmosfære. Dei bryr seg om livet rundt seg, og dette er noko av grunnen til at mange opplever studiemiljøet i Volda som både totalt hæla-i-taket og seriøst på same tid. Gir du litt av deg sjølv i Volda, får du garantert masse tilbake! Har du delteke på studentVEKA, Animasjonsfestivalen, Dokumentarfilmfestivalen eller vintersportfestivalen X2? Då har du garantert skulderveska full av nye vener og viktige kontaktar for framtida. Dei varierte sosiale erfaringane, saman med ein solid og yrkesretta fagleg ballast, gjer deg til ein ettertrakta arbeidstakar når du etter kvart reiser vidare i livet.
Vis alle utdanninger fra
Høgskulen i Volda
Beskrivelse og bosted
Jeg vil vite mer!
Kontaktinformasjon til Høgskulen i Volda
Tlf: 70 07 50 00 
Fyll inn følgende felt for å få mer informasjon fra Samfunnsplanlegging og leiing - Master:
Les mer