Sosialt arbeid – sosionomutdanning - Bachelor
|
Sammendrag
|
|
|||||||||||||||
Sosialt arbeid – sosionomutdanning - Bachelor
Sosialt arbeid – sosionomutdanning - Bachelor
Ønskjer du å arbeide med menneske i utfordrande situasjonar? Som sosionom er du attraktiv arbeidskraft i mange ulike yrkessamanhengar. Framtidas samfunn treng flinke sosialarbeidarar som forstår korleis psykiske og sosiale problem oppstår, og korleis ein kan tilby hjelp på ein profesjonell måte.
Studieprogrammet førebur og gir deg eit godt grunnlag for praktisk yrkesutøving. Som sosionom vil du finne arbeid i helse- og sosialsektoren i kommunane, i fylkeskommunale institusjonar og behandlingstilbod, i kriminalomsorg og i humanitære organisasjonar. Ein finn såleis sosionomar mellom anna i sosial- og barnevernstenesta, i tilbod for funksjonshemma, i skuleverket, ved familierådgivingskontor, i fengsel og kriminalomsorg i fridom, og i eldreomsorg og rusmiddelomsorg.
Studiet dannar grunnlag for opptak ved masterstudiet i Helse- og sosialfag eller masterstudiet i Samfunnsplanlegging og leiing ved Høgskulen i Volda eller andre relevante masterstudium i Noreg og i utlandet.
Utdanningens mål
I studieprogrammet vert det lagt vekt på å utdanne reflekterte yrkesutøvarar som set mennesket i sentrum, og som kan planleggje og organisere tiltak i samarbeid med brukarar og andre tenesteytarar. Sosialarbeidarutdanninga har eit generalistpreg: ho skal kvalifisere for arbeid med sosiale problem på ulike felt og med ulike målgrupper. Utdanninga skal gi deg kompetanse i ulike sosialfaglege arbeidsmåtar, med spesiell vekt på arbeidsformer der du samarbeider med einskildpersonar, familiar, grupper eller sosiale nettverk.
Du får kunnskap om kva som skaper og opprettheld sosiale problem, kva rettar brukarane har i vanskelege livssituasjonar, og du får lære om korleis psykiske vanskar oppstår og utviklar seg.
Opptakskrav/Søknad
Generell studiekompetanse
Studiepoeng (ECTS)
180
Utdanningens struktur
Studiet er sett saman av juridiske emne, samfunnsfag, psykologi og sosialt arbeid i teori og praksis. Utdanninga har mykje praksis – anten i Noreg eller i utlandet. Det er to praksisperiodar, med eit samla omfang på om lag 20 veker. I tillegg er det feltstudium knytte til aktuelle arbeidsfelt for sosialarbeidarar. Prosjektpraksisen er lagd til andre semester, og klientretta praksisstudium er lagt til femte.
Utdanninga er eit integrert studium der arbeidsmåtane vekslar mellom storgruppeundervisning (saman med barnevernspedagogstudentar), fokusførelesingar, seminar, gruppearbeid, praksisutplassering, ferdigheitstrening, oppgåveskriving, praksissamlingar og individuelt studium. All undervisning er obligatorisk.
Studiefakta, Tittel m.m
Bachelor og lavere
Høgskulen i Volda
Til Volda - og vidare
Korleis ser du føre deg ein perfekt start på studielivet? Og kva med vegen vidare?
I vakre Volda veks det i mai og juni fram nye kull med ferdigutdanna studentar, klare for eit nytt kapittel i livet. Erfaringane frå den intime og vakre studiestaden med rundt 8000 innbyggjarar følgjer med resten av livet, både fagleg og sosialt. I Volda går kultur og natur hand i hand. Frå det populære studenthuset, kafeen og konsertscena Rokken, er vegen kort til toppen av Rosethornet, eit kjent og kjært landemerke. Tek du turen opp, vil du også få oversyn over heile Volda og den vakre naturen som omgir studentbygda. Velkomen til Volda!
Kvifor velje Volda
Eit studieopphald i Volda gir deg tverrfagleg og attraktiv fagleg kompetanse, skreddarsydd for eit breitt yrkesliv. Først sørgjer den tradisjonsrike Fadderveka og andre festivalar for at du som ny student landar trygt og får grunnlag for god fagleg utvikling i eit godt læringsmiljø. Men reisa er på langt nær over med det. For nyutdanna studentar frå Høgskulen i Volda går reisa gjerne vidare – inn i eit utfordrande arbeidsliv – og kanskje ut i verda?
Tek du høgare utdanning i Volda, er alt opp til deg sjølv. Høgskulen er kjende for yrkesutdanningar med god fagleg kvalitet, og studerer du til dømes mediefag, lærarutdanning eller sosialt arbeid i Volda, får du svært ettertrakta fagleg og sosial kompetanse på arbeidsmarknaden. Tek du eit halvår av utdanninga ved ein av dei mange samarbeidsinstitusjonar i heile verda, utvidar du i tillegg horisonten og skaffar deg ekstra tyngd og erfaring. Studietilbudet gjenspeiler kompetansebehovet både i offentlig og privat sektor, med mulighet for utdanning både på bachelor- og mastergradsnivå. Høgskulen har i tillegg mange kreative og spennende fagstudium innanfor mediedesign, drama, friluftsliv, idrett, historie, realfag, kunst, musikk, språk med meir.
Ut i verda?
Høgskulen i Volda er i tet mellom høgskulene i Noreg når det gjeld inn- og utveksling av studentar. I alle bachelor- og masterprogram legg høgskulen til rette slik at studentar kan ta minimum eit semester i utlandet, som ein integrert del av graden ved høgskulen. Ein kan i praksis reise kvar som helst i verda, men det kan vere ein fordel å reise til ein samarbeidspartnar. Per i dag har Høgskulen i Volda rundt 140 partnarar i meir enn 40 land. Høgskulen i Volda er også offensiv når det gjeld å ta imot studentar frå utlandet, og har aldri før hatt så mange som i år. Dette er med på å gjere Volda til eit internasjonalt knytepunkt. Tek du ein tur rundt på campus, kan du ikkje la vere å leggje merke til "Pangaia", den internasjonale møteplassen.
Gi litt av deg sjølv - få masse tilbake!
Volda-studentane er kjende for å skape ein avslappa, engasjert og kreativ atmosfære. Dei bryr seg om livet rundt seg, og dette er noko av grunnen til at mange opplever studiemiljøet i Volda som både totalt hæla-i-taket og seriøst på same tid. Gir du litt av deg sjølv i Volda, får du garantert masse tilbake! Har du delteke på studentVEKA, Animasjonsfestivalen, Dokumentarfilmfestivalen eller vintersportfestivalen X2? Då har du garantert skulderveska full av nye vener og viktige kontaktar for framtida. Dei varierte sosiale erfaringane, saman med ein solid og yrkesretta fagleg ballast, gjer deg til ein ettertrakta arbeidstakar når du etter kvart reiser vidare i livet.
Vis alle utdanninger fra
Høgskulen i Volda
Beskrivelse og bosted
Jeg vil vite mer!
Kontaktinformasjon til Høgskulen i Volda
Tlf: 70 07 50 00 
Fyll inn følgende felt for å få mer informasjon fra Sosialt arbeid – sosionomutdanning - Bachelor:
Les mer